कर्नाटकातील दावणगिरी जिल्ह्यात शुक्रवारी कार दुभाजकाला धडकल्याने 7 जणांचा मृत्यू झाला. अपघातस्थळी पोहोचलेले पोलीस अधीक्षक सीबी रिश्यंत यांच्या म्हणण्यानुसार, कार चालक मद्यधुंद अवस्थेत होता आणि राष्ट्रीय महामार्ग 13 वरील काननकट्टे टोल गेटजवळ झोपला होता. या धडकेत सहा जणांचा जागीच मृत्यू झाला, तर एकाचा रुग्णालयात उपचारादरम्यान मृत्यू झाला.

मल्लनगौडा (22), संतोष (21), संजीव (20), जयभीम (18), रघु (23), सिद्धेश (20) आणि वेदमूर्ती (18) अशी मृतांची नावे आहेत. मृतांपैकी चार हे यादगीर जिल्ह्यातील शाहपूर तालुक्यातील, तर अन्य दोघे विजयनगर जिल्ह्यातील कुडलिगी तालुक्यातील आहेत. सातवा बळी पडलेला विजयपूर जिल्ह्यातील तालिकोटी येथील रहिवासी होता. मृतांचे मृतदेह जागलूर येथील शासकीय रुग्णालयाच्या शवागारात ठेवण्यात आले आहेत. या घटनेची माहिती मृताच्या नातेवाईकांना देण्यात आली आहे. पोलिसांनी सांगितले की, कारमधील प्रवासी मकर संक्रांती साजरी करण्यासाठी बेंगळुरूहून घरी जात होते.