बेळगाव - खानापूर : रामनगर-बेळगाव मार्गावरील कुंभार्डाजवळ (ता. खानापूर) खासगी बस झाडावर आदळल्याने झालेल्या अपघातात ड्रायव्हर आणि कंडक्टरसह एक प्रवासी जखमी झाला आहे. बेंगळुरूहून गोव्याला जाणारी नागश्री ट्रॅव्हल्सची खासगी बस रस्त्याच्या कडेला जाऊन झाडावर कोसळली. रामनगर-बेळगाव मार्गावरील कुंभार्डाजवळ आज सकाळी 8.00 च्या सुमारास हा अपघात घडला.

अपघातात बस चालक आणि वाहकासह एक प्रवासी किरकोळ जखमी झाल्याची माहिती मिळाली आहे. या घटनेची माहिती मिळताच लोंढा पोलिसांनी घटनास्थळी धाव घेऊन जखमींना उपचारांसाठी इस्पितळात दाखल केले.