प्रसिद्ध कॉमेडियन कपिल शर्मा छोट्या पडद्यानंतर आता रुपेरी पडद्यावर झळकण्यासाठी सज्ज झाला आहे. कपिल त्याच्या 'ज्विगाटो' (Zwigato) या चित्रपटामुळे बऱ्याच दिवसांपासून चर्चेत आहे. या चित्रपटातील कपिलचा लूक खूप आधी समोर आला होता, ज्यामध्ये तो डिलिव्हरी बॉयच्या भूमिकेत दिसला होता. त्याचबरोबर आता या चित्रपटाचा ट्रेलरही रिलीज झाला आहे. या चित्रपटात कपिलची वेगळी शैली पाहायला मिळणार आहे. लोकांना नेहमी हसवणारा विनोदी अभिनेता या चित्रपटात एका सामान्य माणसाच्या भूमिकेत दिसणार आहे, जो जीवनातील संकटांना तोंड देताना दिसतो आहे. या चित्रपटात अभिनेत्री शहाना गोस्वामी कपिल शर्माच्या पत्नीच्या भूमिकेत दिसणार आहे. या चित्रपटाचे दिग्दर्शन नंदिता दास यांनी केले आहे.
'ज्विगाटो' या चित्रपटाचा ट्रेलर 1 मिनिटं 39 सेकंदाचा आहे, जो एका बिल्डिंगपासून सुरू होतो, जिथे कपिल हा डिलिव्हरी बॉय पिझ्झा घेऊन येतो. पण अगदी सुरुवातीलाच एक सीन आहे, ज्यामध्ये डिलिव्हरी बॉयला इमारतीतील लिफ्ट वापरण्यास मनाई आहे आणि त्यामुळे तो जिने वापरून वर जातो असे दाखवण्यात आले आहे. डिलिव्हरी बॉयच्या समस्या या सीनमधून सांगण्यात आल्या आहेत. यानंतर, ट्रेलरमध्ये कपिल शर्माच्या कुटुंबाची झलकही दाखवण्यात आली आहे ज्यांच्या गरजांसाठी कपिल रात्रंदिवस काम करण्यास तयार आहे. असाच एक सीन ट्रेलरमध्ये येतो, जिथे कपिल म्हणतो की आज तो 10 डिलिव्हरी करणार आहे. तथापि, जेव्हा कपिलची पत्नी शहाना देखील कामावर निघून जाते. यानंतर सामान्य कुटुंबाप्रमाणे कपिलच्या घरातही वाद सुरू होतो.
कपिल शर्माने त्याच्या चित्रपटाचा हा ट्रेलर इंस्टाग्रामवर शेअर केला आहे, ज्याच्या कॅप्शनमध्ये अभिनेत्याने लिहिले की या चित्रपटाचा वर्ल्ड प्रीमियर टोरंटो फिल्म फेस्टिव्हलमध्ये झाला. त्याने कॅप्शनमध्ये लिहिले की, 'टोरंटो फिल्म फेस्टिव्हलमध्ये यशस्वी वर्ल्ड प्रीमिअरनंतर, ज्विगाटो बुसान फिल्म फेस्टिव्हलमध्ये मन जिंकण्यासाठी सज्ज आहे.