घरातील तिजोरी तोडून त्यात ठेवलेले ₹ 75000 आणि तीन तोळे सोने, दहा तोळे चांदी घेऊन चोरट्यांनी पलायन केले आहे. दुपारी दोन वाजता चंद्रभागा या घरी परत आल्यावर समोरचा दरवाजा आतून बंद असल्याचे त्यांच्या निदर्शनास आले. त्यामुळे त्यांनी घरच्या मागील बाजूला जाऊन पाहिले असता मागचा दरवाजा तोडलेला होता. तातडीने त्यांनी शेजारील लोकांना बोलावून घरात प्रवेश केला तर घरातील तिजोरी तोडून साहित्य व कपडे अस्ताव्यस्त पसरलेले नजरेस पडले. शेतात मळणी करत असलेल्या आपल्या पतीला यांची त्यांनी कल्पना दिली.