बेळगाव : बॅ. नाथ पै चौक ते खासबाग येथील बसवेश्वर चौकादरम्यान भाजी विक्रेत्यांसाठी गाळे उभारण्यात आले आहेत. गाळयांच्या उभारणीचे काम पुर्ण झाले तरी अद्याप वितरण करण्यात आले नाही. त्यामुळे गाळ्यांचे वितरण पारदर्शीपणे करण्यात यावे, अशा मागणीचे निवेदन युवा नेते शुभम शेळके यांनी उपमहापौर रेश्मा पाटील यांना बुधवारी दिले. खासबाग परिसरात दर रविवारी मोठ्याप्रमाणात बाजार भरतो. त्यामुळे भाजी विक्रेत्यांसाठी गाळयांची उभारणी करण्यात आली आहे. पण अद्याप वितरण करण्यात आले नाही.
खासबाग परिसरातील गाळयाचे वितरण पारदर्शीपणे करण्यात यावे, अशी मागणी शुभम शेळके यांनी महापौर-उपमहापौरांकडे केली आहे. तसेच मनपा कार्यालयात भगवा लावण्यात यावा, अन्यथा लाल-पिवळा ध्वज हटविण्यात यावा, अशी मागणी शुभम शेळके यांनी केली आहे.
