बेळगाव : रामनवमीनिमित्त निघालेल्या मिरवणुकीत लाल-पिवळा ध्वज नाचवण्याचा प्रयत्न करणाऱ्या तरुणाला मारहाण झाली. गुरुवारी सायंकाळी टिळक चौक भागात हा प्रकार घडला. श्रीराम सेना हिंदुस्थानने रामनवमीनिमित्त शहरातून भव्य मिरवणूक काढली होती. यावेळी डॉल्बीच्या दणदणाटासह भगवे ध्वज फडकावले जात होते.
यावेळी मंजुनाथ नामक तरुणाने लाल-पिवळा ध्वज फडकावण्याचा प्रयत्न केला. त्यामुळे चिडलेल्या तरुणांनी त्याला मारहाण केली. याप्रकरणी अज्ञातांविरोधात खडेबाजार पोलिस स्थानकात गुन्हा दाखल करण्यात आला आहे.