कोरोना व्हायरस महामारीमुळे कर्नाटक सरकारने शाळा पुन्हा सुरू करण्याबाबत अद्याप कोणताही निर्णय घेतला नाही, अशी माहिती राज्याचे प्राथमिक व माध्यमिक शिक्षणमंत्री एस. सुरेशकुमार यांनी दिली. सरकारला शाळा सुरू करण्याची घाई नसल्याची माहिती त्यांनी पालकांना दिली. सुरेशकुमार म्हणाले, राज्य सरकारने अद्याप शाळा पुन्हा सुरू करण्याचा निर्णय घेतला नसल्याने कोणीही घाबरू नये. भविष्यात शाळा पुन्हा सुरू करण्याबाबत आम्ही अद्याप कोणताही निर्णय घेतलेला नाही. सध्या शाळा पुन्हा सुरू करण्याचा सरकारचा कोणताही विचार नाही.
आम्ही आमदार, खासदार आणि संबंधित लोकांची मते मागविली आहेत. यासंबंधात शिक्षणतज्ज्ञ आणि संस्थांशीही चर्चा करण्यात येईल. कोरोनव्हायरसच्या भीतीमुळे नियमित वर्ग घेत नसलेल्या शाळा पुन्हा सुरू करण्याबाबत अन्य मंत्री व आमदारांचे मत जाणून घेत असल्याचे वृत्त प्रसारित झाल्याने मंत्र्यांचे हे विधान समोर आले आहे. राज्यस्तरीय शाळा वगळता बहुतांश शाळा व्हिडीओ कॉन्फरन्सद्वारे ऑनलाइन वर्ग घेत आहेत. खासगी शाळांच्या शिक्षकांच्या एका गटाने शाळा बंद झाल्याने आपणावर बेरोजगार होण्याची वेळ आल्याचे सांगून सरकारला शाळा सुरू करण्याचे आवाहन केले आहे.
5 ऑक्टोबर रोजी शिक्षणतज्ज्ञ आणि पालक यांचे मत जाणून घेणार असल्याचे शिक्षणमंत्र्यांनी स्पष्ट केले. 20 सप्टेंबर रोजी राज्य सरकारने कोव्हीड-19 साथीच्या आजाराच्या पार्श्वभूमीवर इयत्ता नववी ते बारावीच्या विद्यार्थ्यांना शाळा आणि पदवीपूर्व महाविद्यालयांमध्ये शिक्षकांना भेटण्यास बंदी घातली होती.