बेळगाव : आगामी काळात छत्रपती शिवाजी महाराजांचा जाज्वल्य इतिहास भावी पिढीसमोर उभा असावा व त्यातून त्यांना प्रेरणा मिळावी, तसेच गावच्या ऐतिहासिक वैभवात भर पडावी या उद्देशाने बेळगाव तालुक्यातील किणये ग्रामस्थ व पंच क्रोशीतील ग्रामस्थ आणि देणगीदारांच्या सहकार्यातून किणये गावच्या प्रवेशद्वारावर हिंदवी स्वराज्य संस्थापक छञपती शिवाजी महाराज यांची 10 फुटी अश्वारूढ मूर्ती बसवण्याचा संकल्प करण्यात आला आहे. ही शिवाजी महाराजांची मूर्ती ब्राँझ या धातुची असणार आहे. गावात येणाऱ्या प्रत्येकाच्या दृष्टीने ही मूर्ती आकर्षणाचा केंद्रबिंदू ठरणार आहे.

रविवारी मूर्ती निर्मितीच्या कामाचा शुभारंभ करण्यासाठी या शिवरायांच्या मूर्तीचे शिल्पकार व मूर्तिकार जे. जे. पाटील यांना ठरावाचा विडा देण्यात आला. या भागातील समस्त शिवप्रेमींच्या प्रेरणेतून आणि शिवभक्तांनी केलेल्या मागणीनुसार एतिहासिक कार्यक्रमाचे आयोजन करून येत्या शिवजयंती उत्सवाला या शिवाजी महाराजांच्या मूर्तीचा अनावरण व लोकार्पण सोहळा थाटात साजरा करण्यात येणार आहे.

• बेळगाव शहरात जारकीहोळींच्या समर्थनार्थ भव्य मोर्चा; आमचे साहेब... VIDEO; न विसरणारा मोर्चा..
• ती चौघांसोबत पळाली पण कुणाशी गाठ बांधावी? गावानं चिठ्ठ्या टाकल्या, पुढे जे झालं त्याची देशभरात चर्चा