बेळगाव : रामतीर्थनगरमधील साडेसात एकर जागेत ऑलिम्पियन व विख्यात हॉकीपटू बंडू पाटील यांच्या स्मरणार्थ हॉकी स्टेडियम उभारण्याचा निर्णय बेळगाव नगरविकास प्राधिकरण (बुडा BUDA - Belgaum Urban Development Authority) च्या बैठकीत घेण्यात आला. अध्यक्ष गुळाप्पा होसमनी यांच्या अध्यक्षतेखाली बुडाची सर्वसाधारण बैठक शुक्रवारी (27 नोव्हेंबर) झाली. रामतीर्थनगर येथे बुडाची जागा असून त्या जागेचा विकास करण्याचा निर्णय बुडाने आधीच घेतला आहे. त्या जागेत हॉकी स्टेडियम बांधण्याची मागणी होत होती.

हॉकी इंडिया बेळगाव या संस्थेने तसा प्रस्ताव बुडाकडे दिला आहे. त्यासंदर्भात बैठकीत चर्चा होऊन त्या जागेत हॉकी स्टेडियम बांधण्यास हॉकी इंडियाला मंजुरी देण्याचा निर्णय बैठकीत झाला. त्यामुळे आता रितसर त्या जागेचे हस्तांतर हॉकी इंडिया बेळगाव संस्थेकडे केले जाणार आहे. मूळचे बेळगावचे असलेले ऑलिम्पियन बंडू पाटील यांचे नाव नियोजित हॉकी स्टेडियमला देण्याचा निर्णयही यावेळी घेण्यात आला. कर्नाटक राज्य क्रिकेट संघटनेला बुडाने रामतीर्थनगर येथेच जागा दिली होती. त्यात संघटनेने अद्ययावत क्रिकेट स्टेडियम उभारले आहे. त्याच धर्तीवर हॉकी स्टेडियमची उभारणी केली जाणार आहे.

• बेळगाव शहरात जारकीहोळींच्या समर्थनार्थ भव्य मोर्चा; आमचे साहेब... VIDEO; न विसरणारा मोर्चा..
• ती चौघांसोबत पळाली पण कुणाशी गाठ बांधावी? गावानं चिठ्ठ्या टाकल्या, पुढे जे झालं त्याची देशभरात चर्चा

Bandu Patil (January 1, 1936 - August 23, 1988) Belgaum Olympian who was part of the Indian hockey team which won silver medals in the Rome Olympics in 1960, the Asian Games in 1962 and gold medals in 1964 Tokyo Olympics.