बेळगाव—belgavkar—belgaum
शिक्षण आणि सामाजिक क्षेत्रातील परिचित, सरळस्वभावी व अजातशत्रु व्यक्तिमत्त्व म्हणून ओळखले जाणारे मराठा मंडळ शिक्षण संस्थेचे उपाध्यक्ष राजेश नाथाजीराव हलगेकर (58) यांचे मंगळवारी (4 ऑगस्ट 2026) हृदयविकारानंतर आजाराने निधन झाले. आठवड्यापूर्वी त्यांना झटका आला होता. उपचारादरम्यान त्यांचे निधन झाले.
ते शिक्षणमहर्षी दिवंगत नाथाजीराव हलगेकर यांचे चिरंजीव तसेच मराठा मंडळ शिक्षण संस्थेच्या अध्यक्षा डॉ. राजश्री नागराजू यांचे कनिष्ठ बंधू होते.
मंगळवारी (4 ऑगस्ट 2026) रात्री 9 वाजता अंत्यसंस्कार (कामत गल्ली स्मशानभूमी) होणार आहेत.
मराठा मंडळ संस्थेचे संचालक आणि नंतर उपाध्यक्ष म्हणून त्यांनी अनेक वर्षे संस्थेच्या शैक्षणिक व प्रशासकीय उभारणीत मोलाचे योगदान दिले. त्यांच्या कार्यामुळे संस्थेच्या प्रगतीला मोठी चालना मिळाली होती.
त्यांच्या पश्चात पत्नी आणि दोन कन्या असा परिवार आहे. त्यांच्या अकाली निधनाने मराठा मंडळ परिवारासह शिक्षण क्षेत्रात आणि बेळगाव शहरात शोककळा पसरली असून, विविध स्तरांतून त्यांना भावपूर्ण श्रद्धांजली अर्पण करण्यात येत आहे.
