बेळगाव -belgavkar : सुळगा (हिंडलगा) येथील एका व्यक्तीवर जीवघेणा हल्ला करण्याबरोबरच त्याला उपचारासाठी रुग्णालयात दाखल करताना रुग्णवाहिका थांबवून मारहाण करण्यात आल्याची घटना बेळगावमध्ये घडली आहे. आर्थिक व्यवहारातून बेळगाव तालुक्यातील सुळगा गावातील विजय चव्हाण (33) याला मारहाण करण्यात आली.
बिम्स हॉस्पिटलमध्ये तो आपल्या जीवाशी झुंज देत आहे. एका माणसाशी त्याचे आर्थिक व्यवहार होते. याच कारणावरुन त्याने रात्री सुळगा गावात विजय चव्हाणवर हल्ला केला. त्यानंतर जखमीला बेळगाव जिल्हा रुग्णालय म्हणजे हॉस्पिटलमध्ये घेऊन जात असताना गोल्फ कोर्सजवळून जात असलेल्या रुग्णवाहिकेला थांबवून त्याला पुन्हा मारहाण करण्यात आली.
थेट रुग्णवाहिका / Ambulance अडवून हल्ला केल्याची घटना काकती आणि एपीएमसी पोलीस ठाण्याच्या हद्दीत घडली आहे.
