बेळगाव—belgavkar—belgaum : दुचाकीद्वारे स्टंटबाजी करणाऱ्या तरुणावर गुन्हा दाखल करत त्याची दुचाकी जप्त करण्यात आली. रहदारी दक्षिण विभागाचे साहायक उपनिरीक्षक बी. एस. बिचगत्ती व त्यांच्या सहकाऱ्यांनी ही कारवाई केली. गेल्या काही दिवसांपासून सोशल मीडियावर एक व्हिडीओ व्हायरल झाला आहे. यामध्ये एक युवक त्याच्या दुचाकीवरुन स्टंटबाजी करत आहे.
QR Code डाउनलोड करा आणि पेमेंट करा
Download QR Code
दुचाकीचे समोरील चाक उचलत ती पळवणे. अचानक ब्रेक दाबून थांबविणे. एका बाजूला होऊन दुचाकी चालवणे, असे प्रकार तो आरपीडी रोडवर करत असल्याचे या व्हिडीओमध्ये दिसून आले. उपनिरीक्षक बिचगत्ती यांनी या दुचाकीची माहिती काढली असता सदर दुचाकीमालक हट्टीहोळी गल्ली, शहापूर येथे असल्याचे समजले. Click Here to Watch VideoClick Here to Watch Videos or See More PhotosClick Here to Watch Video
पोलिसांनी चौकशी केली असता व्हिडीओमध्ये स्टंटबाजी करणारा मुलगा आपला असल्याचेही दुचाकीमालकाने कबूल केले. याबाबत त्याला विचारणा केली तेव्हा मुलाने असा प्रकार मी 9 जानेवारी रोजी आरपीडी कॉलेज रस्त्यावर केल्याचे कबूल केले. हे सर्व स्पष्ट झाल्यानंतर सदर दुचाकी जप्त करुन संबंधित तरुणावर गुन्हा दाखल करण्यात आला. रहदारी दक्षिण विभागाचे पोलिस निरीक्षक विनायक बडीगेर पुढील तपास करीत आहेत.
