क्रिकेट विश्वाचे लक्ष वेधलेला चॅम्पियन्स ट्रॉफीला 19 फेब्रुवारीपासून प्रारंभ होणार आहे. हायब्रिड मॉडेलच्या आधारे आंततराष्ट्रीय क्रिकेट परिषदेने (आयसीसी) या स्पर्धेचे आयोजन केले आहे. चॅम्पियन्स ट्रॉफी 2025 चा उद्घाटन समारंभ रविवारी (16 फेब्रुवारी) लाहोरमध्ये पार पडला. तथापि, या काळात लाहोरमधील गद्दाफी स्टेडियम आणि कराचीतील राष्ट्रीय स्टेडियममध्ये भारतीय ध्वज दिसला नाही. सोशल मीडियावर व्हायरल झालेल्या व्हिडिओमध्ये चॅम्पियन्स ट्रॉफीमध्ये सहभागी होणाऱ्या इतर 7 संघांचे झेंडे मैदानावर दिसत आहेत.
हा व्हिडिओ सोशल मीडियावर मोठ्या प्रमाणात व्हायरल झाला. पाकिस्तानच्या वैफल्यग्रस्त कृत्यावर भारतीय क्रिकेट चाहत्यांकडून तीव्र संताप व्यक्त केला जात आहे. सोशल मीडियावर एक व्हिडिओ व्हायरल होत आहे, ज्यामध्ये चॅम्पियन्स ट्रॉफीमध्ये सहभागी होणाऱ्या सर्व संघांचे झेंडे फडकताना दिसत आहेत; पण तिथे भारतीय ध्वज दिसत नाही. पाकिस्तानच्या या वैफल्यग्रस्त कृत्यावर भारतीय चाहते संतप्त दिसत आहेत. स्टेडियममध्ये भारतीय ध्वज का नव्हता याचे कारण माहित नसले तरी, अनेकांचा असा विश्वास आहे की कदाचित पाकिस्तानने हे कृत्य भारतीय संघाने पाकिस्तानला जाऊन दुबईमध्ये सामने न खेळण्याच्या निर्णयाला प्रतिसाद म्हणून केले असल्याचा अंदाज व्यक्त केला जात आहे.
भारतीय संघ दुबईत सामने खेळणार आहे. यावेळी सामन्यास उपस्थित राहणार्या प्रत्येक भारतीयाने आपल्या हाती तिरंगा घेवूनच जावे, असेही आवाहन एका युजरने केले आहे. दहशतवादाला खतपाणी घालणार्या देशात आमचा तिरंगा फडकला नाही हे बरेच झाले, अशी पोस्ट करत काही युजर्संनी आपला संताप व्यक्त केला आहे.Click Here to Watch Videos or See More Photos
'आयसीसी'चा नियम काय सांगतो?आयसीसीच्या नियमांनुसार, यजमान देशाला बहुराष्ट्रीय स्पर्धेदरम्यान सर्व सहभागी देशांचे ध्वज फडकावावे लागताते; पण कराची येथे झालेल्या स्पर्धेत भाग घेणाऱ्या आठही संघांपैकी फक्त भारताचा ध्वज फडकला नाही. आता आयसीसी पाकिस्तान क्रिकेट बाेर्डवर काेणती कारवाई करणार हे पाहावे लागणार आहे.भारतीय संघाचे सर्व सामने दुबईतसुरक्षेच्या कारणास्तव भारताने आपला संघ पाकिस्तानला पाठवण्यास नकार दिला हाेता. हाडब्रिड मॉडेल अंतर्गत भारतीय क्रिकेट संघ आपले सर्व सामने दुबईमध्ये खेळणार आहे. न्यूझीलंड, दक्षिण आफ्रिका, अफगाणिस्तान, पाकिस्तान आणि इंग्लंड यासारख्या संघांचे सामने कराचीतील राष्ट्रीय स्टेडियममध्ये होणार आहेत. आयसीसी चॅम्पियन्स ट्रॉफी 19 फेब्रुवारीपासून सुरु होईल आणि पहिला सामना पाकिस्तान आणि न्यूझीलंड यांच्यात खेळला जाईल.
