कर्नाटकमध्ये अत्यंत भीषण अपघात झाला आहे. वेगाने धावणारी कार दुभाजकाला आदळल्याने एका 20 वर्षीय तरुणाला आपला जीव गमवावा लागला आहे. कार इतकी वेगात होती की, दुभाजकाला धडकल्यानंतर तब्बल चार वेळा तिने पलटी मारली. इतकंच नाही तर कारमधून दोघेजण बाहेर उडून रस्त्यावर पडले. अपघाताचा हा व्हिडीओ सोशल मीडियावर व्हायरल झाला आहे.
पोलिस अधिकाऱ्यांनी दिलेल्या माहितीनुसार, सोमवारी पहाटे दोड्डबळ्ळापूर तालुक्यातील कट्टीहोसाहळ्ळी जवळील महामार्गावर हा अपघात झाला (highway near Kattihosahalli in Doddaballapur). एका व्हिडिओमध्ये कार वेगाने येत असल्याचं दिसून येत आहे, दुभाजकाला धडकल्यानंतर ती त्याच दुभाजकावर चढते. यानंतर ती तब्बल चार वेळ पलटी मारते. यावेळी तिथे गवत आणि धूळ उडते. नंतर दोघे कारमधून बाहेर येतात आणि रस्त्यावर पडतात.
तिसऱ्या पलटीनंतर कारचा पुढील अर्धा भाग रस्त्यावर नसतो. चौथ्या पलटीनंतर तर कार पूर्णपणे उलट होते. अखेर कार जेव्हा थांबते तेव्हा कार पूर्णपणे पलटी झालेली असते, आणि चाकं आपोआप फिरत असते. कार थाबंल्यानंतरही त्यातून एक व्यक्ती बाहेर पडताना दिसत आहे. पोलिस अधिकाऱ्यांनी सांगितले की, ही कार धारवाडहून देवनहल्ली तालुक्यातील विजयपुरा येथे जात होती. कारचा चालक मोहम्मद युनूस (वय 20) याचा उपचारादरम्यान मृत्यू झाला. गाडीतील इतर चार जण जखमी झाले आहेत आणि त्यांना रुग्णालयात दाखल करण्यात आलं आहे, असं एका अधिकाऱ्याने सांगितलं आहे.Click Here to Watch Videos or See More Photos
