बेळगाव—belgavkar—belgaum : बेळगाव महानगरपालिकेच्या महापौर व उपमहापौरपदाच्या 24 व्या कार्यकाळाचे आरक्षण नगरविकास खात्याकडून बदलण्यात आले आहे. त्यानुसार महापौरपद सामान्य महिलेसाठी, तर उपमहापौरपद सामान्य प्रवर्गासाठी आरक्षित ठेवण्यात आले आहे.
QR Code डाउनलोड करा आणि पेमेंट करा
Download QR Code
24 व्या कार्यकाळासाठी निवडणूक मार्च 2026 मध्ये25 व्या कार्यकाळ मार्च 2027 निवडणुकीसाठीचे आरक्षणही आधीच जाहीरआधीच्या आदेशानुसार 24 व्या कार्यकाळासाठीचे महापौरपदाचे आरक्षण सामान्य प्रवर्गासाठी होते, तर उपमहापौरपद अनुसूचित जातीच्या महिलेसाठी राखीव होते. पण, आता त्यात बदल केला आहे. म्हैसूर व तुमकूर या दोन महापालिका सोडून राज्यातील सर्वच महापालिकांचे 24 व्या कार्यकाळाचे आरक्षण बदलण्यात आले आहे.
बेळगावच्या महापौर व उपमहापौरपदाची 24 व्या कार्यकाळाची निवडणूक मार्च 2026 मध्ये होणार आहे. त्यावेळी महापौरपदी सामान्य महिलेची, तर उपमहापौरपदी सामान्य प्रवर्गातील नगरसेवकाची नियुक्ती करावी लागणार आहे. 25 व्या कार्यकाळासाठी म्हणजे मार्च 2027 मध्ये होणाऱ्या महापौर व उपमहापौरपदाच्या निवडणुकीसाठीचे आरक्षणही आधीच जाहीर झाले आहे. त्या आरक्षणात मात्र कोणताही बदल नाही. म्हणजे 25 व्या कार्यकाळात महापौरपद आधीप्रमाणेच सामान्य प्रवर्गासाठी, तर उपमहापौरपद सामान्य महिलेसाठीच आरक्षित असणार आहे.
राज्यातील सर्व महापालिकांच्या महापौर व उपमहापौरपदाचे आरक्षण कार्यकाळानुसार नगरविकास खात्याकडून दरवर्षी जाहीर केले जाते. 2018 साली बेळगाव महापालिकेतील महापौर व उपमहापौरपदाची 20 व्या कार्यकाळासाठी निवड झाली होती. त्यावेळी महापौरपद अनुसूचित जमातीसाठी, तर उपमहापौरपद इतर मागास अ प्रवर्गातील महिलेसाठी राखीव होते. त्यामुळे बसाप्पा चिक्कलदिन्नी महापौर, तर मधुश्री पुजारी उपमहापौर झाले होते. मार्च 2019 मध्ये महापालिकेच्या लोकनियुक्त सभागृहाचा कार्यकाळ पूर्ण झाला. त्यामुळे नव्या महापौर व उपमहापौरपदासाठी निवडणूक झाली नाही. पण, त्यापुढील महापौर व उपमहापौरपदाचे आरक्षण मात्र नगरविकास खात्याकडून जाहीर केले होते. त्यामुळे 2019 साली जाहीर झालेल्या 21 व्या कार्यकाळातील आरक्षणानुसार फेब्रुवारी 2023 मध्ये निवडणूक झाली, तर 2020 साली जाहीर झालेल्या आरक्षणानुसार फेब्रुवारी 2024 मध्ये महापौर व उपमहापौरपदाची निवडणूक झाली.
2021 साली जाहीर झालेल्या आरक्षणानुसार आता 15 मार्च रोजी महापौर व उपमहापौर निवडणूक झाली. 2022 साली जाहीर झालेल्या आरक्षणानुसार 2026 मध्ये निवडणूक होणार आहे. हे 2022 साली जाहीर झालेले आरक्षणच बदलले आहे. या आरक्षणाच्या विरोधात शिमोगा येथील नागराज व दावणगेरी येथील सविता के. एन. यांनी न्यायालयात धाव घेतली होती. त्याप्रकरणी न्यायालयाने आरक्षण बदलण्याचा आदेश दिला आहे. त्यामुळे नगरविकास खात्याने म्हैसूर व तुमकूर या दोन महापालिका वगळून अन्य महापालिकांचे आरक्षण बदलले आहे.
पुढील वर्षी उपमहापौरपद अनुसूचित जातीच्या महिलेसाठी आरक्षित होते. या प्रवर्गातील नगरसेविका शहराच्या दक्षिण विभागात नसल्याने महापालिकेतील सत्ताधारी गटाने उपमहापौरपदी दक्षिण विभागातील नगरसेविका वाणी जोशी यांना संधी दिली होती. पुढील वर्षी उपमहापौरपद उत्तर विभागाला देण्याचा निर्णय घेतला होता. त्यामुळे उत्तर विभागातील लक्ष्मी राठोड यांना पुढील वर्षी उपमहापौरपद मिळणार हे नक्की झाले होते. पण, आरक्षण बदलल्याने राठोड यांची संधी हुकणार का? असा प्रश्न उपस्थित झाला आहे. आरक्षण बदलाच्या आधी निवडणूक झाल्यामुळे वाणी जोशी यांना उपमहापौरपदाची लॉटरी लागली आहे.
असे असेल महापौर व उपमहापौरपदाचे नवे आरक्षण24 वा कार्यकाळ (मार्च 2026)
महापौर : सामान्य महिला
उपमहापौर : सामान्य
25 वा कार्यकाळ (मार्च 2027)
महापौर : सामान्य
उपमहापौर : सामान्य महिला
