बेळगाव—belgavkar—belgaum : विजेच्या धक्क्याने हेस्कॉम कर्मचाऱ्याचा मृत्यू झाल्याची घटना सौंदत्ती शहरातील जॅकवेलजवळ मंगळवारी घडली. सुरेश हणमंतप्पा इंचल (46) यांचा मृत्यू झाला. दुरुस्तीसाठी खांबावर चढत असताना त्यांना विजेचा धक्का लागल्याने त्यांचा जागीच मृत्यू झाल्याचे कळते.

हेस्कॉम विभागाच्या अधिकाऱ्यांचा निष्काळजीपणा मृत्यूला कारणीभूत असल्याचा संताप कुटुंबीय व गावातील नेत्यांनी व्यक्त केला आहे. मृतांच्या कुटुंबीयांनी हेस्कॉमचे अधिकारी घटनास्थळी यावे असा आग्रह धरला. नाहीतर मृतदेह काढणार नाही, असा इशारा त्यांनी दिला होता. याबाबत अधिक माहिती सुरु आहे.