बेळगाव—belgavkar—belgaum : गेल्या महिनाभरापासून अवैध आणि अनैतिक कारणांमुळे (गांजा, दारु, अश्लिलता, नशा, धार्मिक कृत्ये) चर्चेत आलेल्या काकती पोलिस ठाण्याच्या हद्दीतील कट्टणभावी-बंबरगा गावाजवळील प्रभूदेव डोंगरावर खून झाल्याची अफवा सोमवारी (ता. 7) दिवसभर होती. या अफवेने परिसरात भीतीचे वातावरण निर्माण झाले होते. सोशल मीडियावरही या अफवेची चर्चा होती. यामुळे नागरिकांत संभ्रमाचे वातावरण होते.
काकतीजवळ प्रभूदेव डोंगरात एकाचा दगडाने ठेचून खून झाल्याची अफवा होती. याची दखल घेऊन काकती पोलिस तत्काळ डोंगरावर गेले. डोंगर परिसर पिंजून काढला; परंतु कोणताही खून झाल्याचे उघडकीस आले नाही. प्रभूदेव डोंगरावर खून झाल्याची अफवा निराधार आहे. नागरिकांनी अफवांवर विश्वास ठेवू नये, असे आवाहन काकती पोलिस ठाण्याचे पोलिस निरीक्षक सुरेश शिंगी यांनी केले आहे.
बंबरगा परिसरातील सुमारे 8 ते 10 तरुणांना सोबत घेऊन डोंगर परिसरात शोध घेतला. सायंकाळपर्यंत नागरिक व पोलीस अधिकाऱ्यांनी परिसर पिंजून काढला. शेवटी परिसरात पसरलेली खुनाची माहिती अफवा ठरली. त्यामुळे नागरिक व पोलीस अधिकाऱ्यांनी सुटकेचा निःश्वास सोडला.
अफवेमुळे वातावरण तापू नये म्हणून पोलिसांनी डोंगर परिसरात गस्त वाढविली आहे. अफवा पसरवणाऱ्यांचा शोध घेण्यासाठी पोलिसांनी चौकशी सुरु केली आहे. या प्रकरणात दोषी आढळल्यास त्यांच्यावर कारवाई करण्यात येईल, असा इशारा पोलिसांनी दिला आहे. दिवसभर सोशल मीडियावर वेगवेगळ्या गोष्टी ऐकायला मिळाल्या. यामुळे घबराट पसरली होती. त्यासाठी पोलिस वेळेवर पोहोचले आणि अनुचित प्रकार घडू नये, याची खबरदारी घेतली.
कट्टणभावी-बंबरगेच्या बाजूने डोंगरावर जाणाऱ्या रस्त्यावर...बेळगाव—belgavkar—belgaum : केदनूर जवळील प्रभूदेव डोंगरावर गैरप्रकार घडत असल्याच्या पार्श्वभूमीवर काकती पोलिसांकडून डोंगरावर जाणाऱ्या महत्त्वाच्या रस्त्यावर बॅरिकेडस् लावून निर्बंध घातले आहेत. निर्जन स्थळावर प्रेमीयुगुलांचा वाढलेला वावर, नशबाज तरुणांचा वावर, वाढलेली धार्मिक गैरकृत्ये रोखण्यासाठी खबरदारीची उपायोजना केली आहे.
